​ភ្នំពេញ​៖ មន្ត្រី​នាំពាក្យ​ក្រសួង​យុត្តិធម៌​ឱ្យ​ដឹងថា រដ្ឋមន្ត្រី​ក្រសួង​នេះ គ្រោង​នឹង​ធ្វើ​បទ​បង្ហាញ​ដោយផ្ទាល់​ស្ដីពី​ច្បាប់ក្រម​ព្រហ្ម​ទ​ណ្ឌ ក្រមនីតិវិធី​ព្រហ្មទណ្ឌ និង​ច្បាប់​ពាក់ព័ន្ធ​នានា​ទៀត ជូន​បណ្ដា​អ្នកសារព័ត៌មាន និង​អ្នកពាក់ព័ន្ធ​នានា​មួយចំនួន​ទៀត​។​

​ អ្នកនាំពាក្យ​ក្រសួង​យុត្តិធម៌ លោក កឹម សន្តិភាព បាន​លើកឡើង​ថា រដ្ឋមន្ត្រីក្រសួង​យុត្តិធម៌ គឺ​លោក​អង្គ​វង្ស វឌ្ឍនា​គ្រោង​នឹង​​ធ្វើ​បទ​បង្ហាញ​មួយ​ស្ដី​ពី​ច្បាប់ព្រហ្មទណ្ឌ​នៅ​ថ្ងៃ​ទី ១៣ ខែកក្កដា នេះ​។​

​លោក​កឹម សន្តិភាព បន្តថា ការសរសេរ​អត្ថបទ​ព័ត៌មាន មិនមាន​ភាពច្បាស់លាស់ ពាក់ព័ន្ធ​បញ្ហា​រឿងរ៉ាវ​ក្ដី​នៅក្នុង​តុលាការ បណ្ដាលឲ្យ​មាន​ការប៉ះពាល់​កិត្តិយស​ស្ថាប័​ន​តុលាការ​ទាំង​ពីរ និង​ស្ថាប័ន​ពាក់ព័ន្ធ​នានា​ទៀត​។​

​គួររំលឹកថា នេះ​ជា​លើក​ទី​២​ហើយ​ដែល​ក្រសួង​យុត្តិធម៌ បានរៀបចំ​វគ្គ​បណ្ដុះបណ្ដាល​ស្ដីពី ក្រមព្រហ្មទណ្ឌ​និង​ក្រម​នីតិវិធី​ព្រហ្ម​ទណ្ឌ​សម្រាប់​អ្នកសារព័ត៌មាន​។ វគ្គ​បណ្ដុះបណ្ដាល​រៀបចំឡើង​ក្រោម​កិច្ចសហការ​រវាង​ក្រសួង​យុត្តិធម៌​និង​ ក្លឹប​អ្នកកាសែត​​កម្ពុជា មាន​គោលដៅ​ផ្ដល់​នូវ​មូលដ្ឋាន​គ្រឹះ​មួយចំនួន​ទាក់ទង​នឹង​ទិដ្ឋភាព​ ក្រមព្រហ្មទណ្ឌ និង​ក្រម​នីតិវិធី​ព្រហ្មទណ្ឌ​ដល់​បណ្ដាញ​​សារព័ត៌មាន​ជាតិ និង​អន្តរជាតិ ដើម្បី​ពួកគេ​អាច​ស្វែងយល់​អំពី​ចំណាត់ការ​នីតិវិធី​នានា​របស់​អយ្យការ និង​តុលាការ​កម្ពុជា ៕